Корејскиот напаѓач не го напушта бродот кој тоне и се обврза на нов четирогодишен договор со клубот од Лондон.
Сон Хјон-мин стави потпис на новиот договор со Тотенхем со што и стави крај на шпекулациите за неговото заминување.
Клубот го потврди продолжувањето на соработката со видео-објава на Twitter:
Сон месецов наполни 29 години, а во Лондон е веќе шест години откако летото 2015 пристигна од Хамбургер.
„Веќе ми претставуваше огромна чест да играм тука шест години. Клубот покажа голема, голема почит кон мене и нормално дека сум многу среќен што сум тука“, вели Сон.
„Овде сум како дома, особено со навивачите, играчите и тренерите. Немаше никаква одлука. Беше лесно. Среќен сум што сум тука и ќе ми биде многу мило повторно да ги видам навивачите“, заврши тој по потпишувањето на новиот договор.
Сон важи за еден од најдобрите офанзивци на денешницата, но е заглавен во клуб кој никако да постигне некој голем успех. Сон нема освоено ниту еден клупски трофеј во кариерата, лани го испушти пехарот во Лига купот откако загуби во финалето, а пред две години истото му се случи и во Лигата на шампионите. Откако Тотенхем не успеа да се избори ниту за настап во Лигата на шампионите за нареднава сезона, почнаа шпекулации за заминување на најдобрите, Сон и Хари Кејн.