Сопругата на бразилскиот фудбалер Дани Алвес, Јоана Санз, поднесе барање за развод откако нејзиниот сопруг беше обвинет за сексуален напад.
Наводниот напад се случил во ноќниот клуб Сатон во Барселона на 30 декември 2022 година, а Алвес беше уапсен на 20 јануари. Моментално е во притвор без можност за кауција, но се обидува да излезе и да биде во куќен притвор и да носи безбедносна алка на ногата.
Алвес беше фудбалер на мексикански УНАМ, но клубот ја раскина соработката по тешките обвинувања против Бразилецот.
Ana Rosa Programme објави дека Алвес ќе остане и без сопруга, бидејќи Јоана Санз побарала развод. Причината за нејзиното барање наводно не е обвинението за сексуален напад, туку признавањето неверство.
„Јоана жали за нејзините првични изјави во кои го бранеше Алвес“, изјави новинарката Летисија Рекехо.