Популарната социјална мрежа Twitter е создадена на 21 март 2006 година, а 17 години подоцна претрпе бројни промени.
Twitter е креација на Џек Дорси, Еван Вилијамс и Биз Стоун, а истиот ден кога беше лансиран на интернет, беше објавен првиот твит:
„just setting up my twttr“, е пораката што на својот профил ја објави еден од основачите Џек Дорси.
Интересно, истата порака беше продадена како NFT во 2021 година за 2,1 милиони долари. Сепак, бидејќи пазарот на NFT и криптовалутите е полн со промени, вредноста на овој NFT падна под 7.000 долари.
Twitter доби ново сопствеништво минатата година, кога Илон Маск го купи за 44 милијарди долари. Оттогаш, социјалната мрежа помина низ бројни промени, главно фокусирани на функционалност и претплата.
