Италијанските медиуми пишуваат дека Јувентус е подготвен да го продаде португалскиот фудбалер Кристијано Роналдо и одредена е и минималната цена.
Јувентус ќе бара најмалку 29 милиони евра за Роналдо за да нема премногу загуба, а Португалецот се најде во немилост откако „Старата дама“ не се квалификуваше во четвртфиналето на Лигата на шампиони втора сезона по ред.
Роналдо беше критикуван и за голот на Порто, што Јуве го чинеше елиминација, бидејќи се сврте кон голот во живиот ѕид. Топката му помина низ нозе и заврши во мрежата на тимот од Торино.
Исто така, „бјанконерите“ не размислуваат за можно продолжување на договорот на Роналдо, кој истекува во јуни 2022 година, барем не засега.
Роналдо пристигна во Јувентус во текот на летото 2018 година во трансфер од Реал Мадрид вреден 120 милиони евра.
Оваа сезона тој постигна 27 погодоци на 32 настапи, и вкупно 92 гола на 121 натпревар од влегувањето во клубот.
Како Јуве планира да направи ремонт на тимот, читајте ТУКА.
