Кортизолот, кој често се нарекува „хормон на стрес“, игра клучна улога во одговорот на телото на стрес.
Зголеменото ниво на кортизол, особено ако е хронично, може да доведе до зголемување на маснотиите на стомакот бидејќи хормонот промовира складирање на маснотии во пределот на стомакот.
Овој тип на маснотии не е само козметички проблем, туку и фактор на ризик за разни здравствени проблеми, вклучувајќи срцеви заболувања и дијабетес.
Д-р Шломо Видер тврди дека одредени суплементи помагаат да се намали нивото на кортизол и, како резултат на тоа, се намалуваат мастите на стомакот.
Магнезиумот ја зголемува чувствителноста на инсулин, што помага да се регулира нивото на шеќер во крвта. Подобрата контрола на шеќерот во крвта може да ја намали акумулацијата на маснотии, особено во пределот на стомакот. Магнезиумот, исто така, влијае на производството и функцијата на невротрансмитерите, како што е серотонин, кој промовира релаксација и може да го намали нивото на стрес. Пониските нивоа на стрес обично резултираат со намалено производство на кортизол.
„Магнезиумот поддржува повеќе од 300 биохемиски реакции во телото. Тој е клучен за регулирање на одговорот на стресот и може да го намали нивото на кортизол. Клиничкото искуство покажува дека пациентите кои одржуваат соодветно ниво на магнезиум пријавуваат подобар сон и помалку стрес, што индиректно помага во намалување на стомачните масти“, вели д-р Видер за SheFinds.
Омега-3 масните киселини имаат силно антиинфламаторно дејство.
Хроничното воспаление е поврзано со зголемено производство на кортизол, така што намалувањето на воспалението може да помогне во намалувањето на нивото на кортизол.
„Присутни во рибиното масло, омега-3 масните киселини се борат против воспалението и го намалуваат нивото на кортизол. Пациентите често пријавуваат намалени стомачни масти и подобрено метаболичко здравје со редовен внес на омега-3 масни киселини, што е поддржано од студии кои ја покажуваат нивната ефикасност против таложењето масти предизвикано од стрес“, заклучи докторот.