Легендарниот голфер Тајгер Вудс се разбуди од операцијата и опоравува, објави утрово CNN.
Вудс беше опериран откако претрпе повеќе повреди на ногата во сериозна сообраќајна несреќа. Исто така, се наведува дека тој е свесен и комуницира.
Вудс бил сам во возилото и изгубил контрола над него по што автомобилот се превртел и излетал од патот. Шерифот во округот Лос Анџелес, во чија област се случи несреќата, рече дека автомобилот е целосно уништен и пожарникарите морале да го извлечат Вудс од остатоците од возилото.
Објавено е и дека 15-кратниот шампион во голф бил свесен за време на спасувањето, како и дека последователните тестови утврдиле дека тој не возел под дејство на алкохол.
Легендарниот голфер дошол во Лос Анџелес на дводневно снимање на епизода за Golf Digest во која им предавал голф на славните. Тој не се појавил на сетот во вторникот и наскоро станало јасно зошто.