Поранешниот американски боксер Мајк Тајсон изјави дека е голем љубител на тенисот, а Новак Ѓоковиќ му е омилен тенисер.
Откако се пензионира од светот на боксот, Тајсон води мирен живот. Се занимава со марихуана и има свој успешен подкаст. Во слободното време следи тенис, а за тоа вели дека е виновна неговата ќерка Милан која тренира со Серена Вилијамс.
„Тенисот ми го промени животот, мислев дека знам сè за сешто и дека конечно успеав во животот кога почнав да заработувам многу пари. Но, ништо од тоа не е поголемо од тениските успеси на мојата ќерка. Таа е поголема од сè. Веќе гледам дека станува нешто што никогаш не би била ако не беше тенисот. Има самодоверба и тоа ми се допаѓа“, изјави Тајсон во разговор со тренерот Патрик Муратоглу во текот на неговиот поткаст Hotboxin.
Кога станува збор за тенисерите, Тајсон изјави:
„Сакам да го гледам Новак Ѓоковиќ, тој ми е омилен тенисер. Погледнете како се врати од повредата пред неколку години и на кој начин игра со Надал и Федерер“, вели Тајсон.