Откако Илон Маск го купи Twitter, тинејџерот кој го следи неговиот авион и податоците ги објавува на оваа социјална мрежа, од страв дека ќе остане без профилите, направи резервни профили на други платформи.
Деветнасетгодишниот Џек Свини се прослави благодарение на тоа што го следи приватниот авион на Маск и објавува информации каде милијардерот се движи. Откако Маск ја купи оваа социјална мрежа, Свини одлучи да се обезбеди, па направи резервни профили во случај профилот на Twitter да му биде избришан.
Сега, Свини има спремни профили на Facebook, Instagram, Telegram и други платформи. Маск претходно му понуди 5.000 долари за да престане да пишува за движењата на авионот, но тинејџерот побара 50.000 долари.
Според правилата на Twitter, профилот не може да се смета одговорен за споделување приватни информации бидејќи деталите за авионот на Маск се веќе јавно достапни. Но, Маск сега може да ги промени правилата на Twitter.