Топењето на огромната санта мраз А23а создава спектакуларни сводови и пештери

Ерозијата создава драматични облици во најголемата санта мраз во светот, која најверојатно ќе постои само уште неколку месеци.

Експедицискиот брод „Eyos“ во неделата стигна до сантата мраз А23а, а екипажот можеше да ги види огромните сводови и пештери формирани во неговите ледени ѕидови. Планината се топи поради температурата на воздухот и водата додека се оддалечува од Белиот континент и на крајот целосно ќе се стопи и исчезне.

„Видовме бранови високи три или четири метри, кои удираа во планината. Овие бранови создаваат постојана состојба на ерозија“, вели водачот на експедицијата, Иан Страхан.

А23а се одвои од брегот на Антарктикот уште во 1986 година, но дури неодамна ја започна својата голема миграција. Повеќе од 39 години беше заглавен во калливото дно на Веделското Море како статичен леден остров со површина од околу 4.000 квадратни километри. Колосот во моментов е фатен во кружната струја на Антарктикот, која го обиколува континентот во насока на стрелките на часовникот. Оваа струја ја турка сантата мраз А23а во правец на Јужните Оркниски Острови, кои се на околу 600 километри североисточно од врвот на Антарктичкиот Полуостров, кој е најсеверниот дел од Антарктик и кој всушност има неколку имиња како О'Хигинсова Земја (Чиле), Сан Мартинова Земја (Аргентина), Грахамова Земја (Обединето Кралство) и Палмеров Полуостров (САД).

А23а е на патот на она што научниците го нарекуваат „алеја на сантите мраз“, која е главната рута за „извоз“ на мраз од континентот.

Интеракцијата на ветровите, океанските фронтови и вртлозите ќе го одредат прецизниот тек на сантата мраз во наредните недели, но многу од овие огромни рамни или табеларни санти мраз завршуваат минувајќи низ британската територија Јужна Џорџија. Нивната судбина е распаѓање и целосно топење.

Во неделата, тимот на „Eyos“ се приближи до сантата мраз А23а и го подигна дронот. Карпите високи 30 метри беа покриени со густа магла, а сантите мраз со оваа големина создаваат свои временски услови.

„Тоа беше драматична и убава санта мраз за фотографирање, неверојатно е голема. Мислам дека всушност и не можеме да сфатиме колку е навистина голема. Сигурно е преголема за фотографирање, се протега колку што можете да видите во двете насоки“, рече видеографот Ричард Сајди.

Сателитите можат да ја следат големината на сантата мраз и да ја измерат нејзината дебелина, која на некои места е повеќе од 300 метри. Во однос на масата не е далеку од трилион тони, но секој ден се намалува.

Големото прашање е колку долго A23a може да преживее додека се оддалечува од постудената клима на Антарктикот.

Повисоките температури ќе ја стопат површината и ќе создадат езера, а потоа и пукнатини. Тие спектакуларни катакомби и сводови ќе се урнат и потоа самостојно ќе пловат.

Друг голем блок мраз се наоѓа пред сантата мраз А23а и може да помогне да се процени колку долго ќе постои. Станува збор за ледениот брег Д28, познат и како Молар Берг, кој оди во јужниот дел на Атлантикот, на околу 200 километри од Јужна Џорџија. Иако изгуби една третина од својата површина по отцепувањето од Антарктикот во 2019 година, Д28 успеа да ја задржи основната компактна форма.

реклама

Чест симптом за рак на дебелото црево се забележува при вршењето нужда

Read more

Храна која го чисти црниот дроб и го забрзува согорувањето калории

Read more

Ретрограден Плутон ќе ни прави проблеми од 1 мај до 12 октомври

Read more

Трик за сушење на облеката за 2 минути

Read more

Вести

Роботското куче на Boston Dynamics доби крзно

Read more

Како годишните времиња функционираат на другите планети?

Read more

Научници успеаја да ги реконструираат најраните фази на развојот на човечкиот живот

Read more

Ново истражување потврдува дека животните имаат свест

Read more
 

Гик

Откриени спецификациите на смартфонот Sony Xperia 1 VI

Читај повеќе

Првпат досега орангутан забележан како си лекува рана со билки

Читај повеќе

Блокирањето на X платформата веќе не е исто

Читај повеќе
  • play_arrow

Роботското куче на Boston Dynamics доби крзно

Читај повеќе
  • play_arrow

Како годишните времиња функционираат на другите планети?

Читај повеќе

Научници успеаја да ги реконструираат најраните фази на развојот на човечкиот живот

Читај повеќе

Почна европска истрага против Facebook и Instagram

Читај повеќе

Ново истражување потврдува дека животните имаат свест

Читај повеќе

James Webb ја сними маглината Коњска глава каква што не сме ја виделе досега

Читај повеќе