Трансродовата манекенка Каталуна Енрикес беше дисквалификувана од изборот за Мис на САД.
Таа рече дека ѝ е чест што беше дел од натпреварот и дека е дисквалификувана бидејќи не биле подготвени за жена како неа.
„Бев среќна затоа што им бев пример на квир децата кои сега знаат дека не мора да бидат ограничени со општествените стандарди. Дисквалификацијата на почетокот ме шокираше бидејќи залудно напорно работев. Сепак, сфаќам дека едноставно не беа подготвени за мене“, изјави Енрикес за Yahoo Life.
Таа беше дисквалификувана пред 16. круг од Изборот за Мис САД. Круната ѝ припадна на Ел Смит, новинарка од Кентаки. Таа ќе се натпреварува за Мис Универзум на 12 декември во Еилат, Израел.
„Уверена сум дека мојата уникатност наскоро ќе биде препознаена“, рече Енрикес.
Таа беше крунисана за Мис Невада претходно оваа година, откако победи 21 натпреварувачка на настанот во Лас Вегас, пишува NBC News.
Изборот за Мис Универзум, кој ја вклучува и Мис на САД, им овозможи на трансродовите луѓе да се натпреваруваат за првпат во 2012 година.
