Синоќешното полуфинале на ЕУРО 2020 го следеа и НБА ѕвездите, а играчот на Атланта Хокс остана воодушевен откако последниот изведувач на „Аѕурите“ решавачкиот погодок го прослави во негов стил.
Бразилецот со италијанско потекло кој одбра да ги брани боите на Италија важи за еден од најдобрите изведувачи на пенали на денешницата. Со овој епитет се стекна во Челси каде неговиот заштитен знак со потскокнување е нерешлива енигма за противничките голмани.
Така беше и синоќа кога Унаи Симон само немоќно со поглед ја испрати топката во својата мрежа, а Италијанците почнаа да слават пласман во големото финале.
Жоржињо пеналот го озведе ладнокрвно, а таква му беше и прославата која ја позајми од плејмејкерот на НБА тимот Атланта Хокс, Тре Јанг.
Прославата на Жоржињо ја примети и самиот Јанг, па го пофали на Twitter.
