Високопозиционираниот украински функционер Серхиј Лешченко денеска ја коментираше украинската контраофанзива, велејќи дека „не е лесно“.
Лешченко, кој работи како советник на шефот на кабинетот на украинскиот претседател Володимир Зеленски, за BBC изјави дека „Украина постигна одреден напредок“ во источниот регион Донбас, додавајќи дека Русија е „моќен противник кој има на располагање големи количини муниција“.
Лешченко додаде дека Украинците „сега разбираат дека Русите не се само непријатели, туку и луѓе кои дошле во Украина да уништат сè“.
Лешченко ја нарече тезата на рускиот претседател Владимир Путин, кој тврди дека војната ја започнал за да ги брани жителите на Донбас, „најголемата лага на XXI век“.
