Најдобрата светска тенисерка Ига Швјонтек е елиминирана од Вимблдон.
Вистинска сензација направи Елина Свитолина која по три сета славеше со резултат 7:5, 6:7 и 6:2.
Швјонтек во овој дуел влезе како апсолутен фаворит. Тенисерката број еден во светот играше против Украинката (76. ВТА) и таму се надеваше дека ќе стигне до полуфиналето на Вимблдон.
Сепак, Полјачката, која е прва носителка на турнирот и беше најголем фаворит за новата Грен слем титула, денеска не можеше да слави и се прости во рана фаза со оглед на очекувањата.
Во првиот сет видовме по два брејка на двете страни. Дватапати Швјонтек имаше брејк предност, но во двата наврати Свитолина се враќаше пред да и го одземе сервисот на противничката по третпат за конечни 7:5.
Следуваше уште подраматичен втор сет. И во кој Швјонтек повторно имаше брејк предност, но Свитолина се врати на 3:3. Со добри сервиси двајцата тенисери го одведоа мечот во тај-брејк, а таму подобро се снајде светскиот број еден и израмни на 1:1 во сетовите.
Сепак, третиот решавачки сет во целост ѝ припадна на Украинката Свитолина која со 6:2 обезбеди пласман во полуфиналето на Вимблдон каде ќе игра против Маркета Вондроусова која денеска ја совлада Џесика Пегула.
Она што е највпечатливо е што Свитолина не играше повеќе од една година поради бременост и породување. Раѓањето на ќерката го прослави со својот партнер, познатиот тенисер Гаел Монфис, и затоа не играше од почетокот на 2022 година до април оваа година. Таа се врати и напиша вистинска бајка на Вимблдон.