Авионот бил испратен за да евакуира украински државјани од Авганистан, но бил киднапиран и потоа се упатил кон Иран.
Инцидентот се случил минатата недела, а украинските власти дури сега го обелоденија.
„Наш авион беше киднапиран. Минатиот вторник ни украдоа авион - одлета за Иран со непозната група на патници, наместо да ги земе Украинците“, откри заменик-министерот на украинското МНР, Јевгениј Јенин.
Откако авионот бил киднапиран, Украина уште трипати се обидела да ги извлече своите граѓани, но безуспешно, бидејќи на нивните државјани не им било дозволено да влезат во аеродромот во Кабул. Дури во четвртиот обид, кој се случил во неделата, успешно биле евакуирани 83 луше од кои 31 Украинец. Тоа го објави министерот за надворешни работи, Дмитро Кулеба.
Засега судбината на киднапираниот украински авион, кој се упатил кон Иран, е непозната, ниту пак се знае кој стои зад тој маневар.
Откако талибанците го освоија Кабул на 15 август почнаа масовни обиди за бегство од Аваганистан преку аеродромот во Кабул.
