Денеска беа објавени дел од поднесените 3 илјади амандмани во Собранието кои опозициските партии ги поднесоа со цел да го блокираат.
Она што привлече внимание во јавноста се досетливите амандмани предложени од двајцата пратеници на Левица, Димитар Апасиев и Борислав Крмов, кои ја поделија јавноста, едни со смеа и поддршка, други со критика заради несериозноста.
Амандманите на ВМРО-ДПМНЕ и на Алијанса и Алтернатива не биле во хумористичен стил, туку речиси сите исти, со разлика од некоја буква или знак.
Пратениците на Левица толку се внеле во работата, што поднеле и соодветни образложенија за секој амандман. Сепак, останува мистерија дали сите 1.400 поднесени амандмани од Левица се различни и досетливи по истиот рецепт.
Во сличен стил Левица поднесе куп приговори до ДИК после парламентраните избори во јули. Во една прилика, тогаш, Апасиев изјави: „Кога системот е нефункционален ти си должен да си играш мајтап со него“.
