По Apple, а потоа Samsung, уште еден производител на мобилни телефони го елиминира полначот од пакувањето.
Oppo ја брендираше својата технологија за брзо полнење SuperVOOC која постигнува одлични резултати. Сепак, ништо не трае вечно - компанијата Oppo лошата вест ѝ ја пренесе на публиката при претставувањето на серијата телефони Reno8 на европскиот пазар.
Збогум на полначите
Според заменик-директорот за операции на Oppo, Били Жанг, од следната година можеме да очекуваме полначите да отсуствуваат од пакувањето на неколку уреди. Жанг изјави: „Следната година ќе го отстраниме полначот од пакувањето на неколку производи, но имаме план бидејќи знаеме дека на нашите клиенти не им е лесно да добијат SuperVOOC полнач. Планираме да ги прошириме нашите операции, но истите тие полначи ќе ги направиме достапни во продавниците за да можете да ги купите и да продолжите да ги користите дури и кога ќе го промените телефонот.
Затоа, го отстрануваме полначот, но не грижете се дека ќе можете да го купите одделно во продавниците каде што истиот полнач ќе биде достапен откако планираме да го отстраниме од вашиот пакет со одредени мобилни телефони.“
Како да не вложиле премногу труд во објаснувањето.
More brands are set to drop in-box charging adapters in the coming years, starting with Oppo#Oppo #Apple #Samsung #Nothinghttps://t.co/wsnYIq3pQa
— Express Technology (@ExpressTechie) September 2, 2022
Која е причината?
Во овој момент, некои големи производители на мобилни телефони одлучија да го елиминираат полначот од пакувањето. Првиот беше, се разбира, Apple, следен од Samsung, па логично беше да се очекува и другите производители на мобилни телефони да ги следат трендовите. Да не заборавиме, сето тоа со образложение дека фрлањето полначи не е добро за животната средина и разни полулогични објаснувања. И не смее да се заборави фактот дека цените на уредите не се намалуваат за сумата на полначот, туку се зголемуваат.
Ситуацијата со телефоните Oppo е малку поспецифична поради самата технологија за полнење SuperVOOC, која достигнува големи брзини и беше една од функционалностите кои го одвојуваа овој производител од конкуренцијата. Останува да почекаме и да видиме со каков план смислила оваа компанија и како отсега ќе се разликува од останатиот опсег на мобилни телефони.
