Серијалот Gran Turismo нема да се врати наскоро, што беше планот до неодамна.
Sony потврди дека следниот дел, Gran Turismo 7, нема да пристигне до 2022 година.
„Gran Turismo 7 е под влијание на производствените предизвици поврзани со пандемијата на коронавирус“, се вели во соопштението на Sony. Тие најавија дека подетално ќе ја објаснат оваа одлука во наредниот период.
Sony и Polyphony Digital открија нешто за оваа видеоигра минатиот јули, седум години откако креаторот на серијата Казунори Јамаучи рече „не сакаме да чекате премногу долго за Gran Turismo 7“, пренесува PC Press.
Франшизата инаку е позната по своите одложувања, па затоа фактот дека GT7 се сели во следната година веројатно не треба да претставува големо изненадување. Сепак, фановите на една од најочекуваните тркачки видеоигри не размислуваат така и го изразија незадоволството на социјалните мрежи.