Скопје Сити Мол ги известува своите посетители дека в четврток (11 ноември 2021) наутро ќе биде извршена вежба од страна на Бригадата за противпожарна заштита.
Вежбата ќе почне во 7:30 часот и со цел да се изврши тестирање на Системот за заштита и спасување.
„Тестирањето ќе биде спроведено со цел да се направи проверка на функционирањето на Кризниот штаб на Трговскиот Центар на универзалната единица – просторните сили за заштита и спасување, како и начин да се тестираат протоколите за реакција во кризни ситуации“, целат од Скопје Сити Мол.
Главната цел на вежбата ќе биде справување со пожар и евакуација на сите присутни вработени и посетители во Скопје Сити Мол, како би биле подготвени за управување на најдобар можен начин со можни ризици и вонредни ситуации.
Евакуацијата ќе биде спроведена од страна на мониторинг центарот, оперативците од Агенцијата за обезбедување ОСА, како и учество на вработени од службата за хигиена во молот Хаус Мајстор Плус.
Противпожарната вежба ќе биде изведена под надзор на стручни лица од Бригадата за противпожарна заштита и Кризниот штаб на Универзалната единица за заштита и спасување на Скопје Сити Мол.