Дионтеј Вајлдер е подготвен за еден од најтешките мечеви во кариерата, средба со Тајсон Фјури на 1 декември.
„Се чувствувам прекрасно. Моето тело и главата се променија и се чувствувам како убиец“, изјави првакот во тешка категорија на отворен тренинг во Калифорнија.
Вајлдер ќе ја брани титулата од Фјури, повратник на сцената и поранешен WBA, WBO, IBF и IBO првак. Борбата ќе се одржи во Лос Анџелес.
Еден од нив наскоро ќе го запише и првиот пораз во кариерата со оглед на тоа што Вајлдер има скор од 40-0, а Фјури 27-0.
