Претседателот на УФЦ, Дејна Вајт, во подкастот „Games with Names“ откри дека рускиот претседател Владимир Путин богато го наградил Хабиб Нурмагомедов откако го победил Конор Мекгрегор.
Тоа се случи во октомври 2018 година кога борачот од Дагестан го одбрани шампионскиот појас на УФЦ во лесна категорија.
„Хабиб не дојде ниту во соблекувалната по борбата, а Путин веќе му се јави. Нему и на неговиот татко им подари имот во Русија вреден 20 милиони долари“, откри Вајт и додаде дека Нурмагомедов добил огромни суми пари, автомобили и други луксузни предмети од Абу Даби, Дубаи, Турција.
Потсетуваме, Нурмагомедов се пензионираше во октомври 2020 година по третата одбрана на појасот во лесна категорија на УФЦ.
Во пензија замина со 29 победи и без ниту еден пораз, и важи за еден од најдобрите ММА борачи во историјата.
