Во текот претстојниов викенд во македонската престолнина ќе биде извршено првото сезонско авионско прскање против возрасни комарци.
„Град Скопје ги известува граѓаните дека првата фаза од авионската дезинсекција против возрасни форми на комарци на подрачјето на градот Скопје ќе се реализира на 09.05.2020 година (сабота) и на 10.05.2020 година (недела), во раните утрински часови“, стои во соопштението од Град Скопје.
Доколку временските услови не дозволуваат да се прска, авионската дезинсекција ќе се изврши првиот нареден ден кога временските услови ќе бидат поволни и тоа во истиот термин, а согласно на тоа ќе се извршува и терестричната дезинсекција.
Поради прскањето, пчеларите треба навреме да ги преземат потребните мерки за заштита на пчелите.
Минатата недела беше извршена авионска дезинсекција против ларви од комарци.
Покрај Скопје, прскање ќе се изврши и во Тетово, но почнувајќи од 21 часот вечерва.
