Вирусот Joker повторно активен на Android: Како да се заштитиме?

Може за секунда го ја испразни банкарската сметка, да ја набилда телефонската, а се крие во неколку апликации кои треба да се избегнуваат.

Белгиската полиција неодамна предупреди дека се реактивирал вирусот Joker, кој ги напаѓа уредите со Android и кој е многу опасен бидејќи се крие на неколку редовни апликации на Play Store.

Злонамерниот софтвер иронично наречен Joker е еден од најопасните закани за корисниците на Android, бидејќи може да се претплати на вашите банкарски услуги и да ги испразни без овластување. Досега, вирусот Joker беше откриен во осум апликации на Play Store, па Google реагираше брзо, но тоа не значи дека не е присутен и кај други.

Joker malware стана популарен во 2017 година кога инфицираше и ограби бројни жртви криејќи се меѓу редовните апликации. После тоа, Google Play Store ја подобри својата безбедност и отстрани околу 1.700 апликации што го содржеа малициозниот софтвер Joker, пред корисниците да ги преземат.

Шумски пожар

Три години подоцна, Joker повторно се појави, така што пред една година 24 апликации беа позитивни за Joker malware, а во моментот на отстранување имал вкупно над 500.000 преземања. Во тоа време, беше проценето дека над 30 земји биле погодени од вирусот, вклучувајќи ги и САД, Бразил и Шпанија.

Користејќи ја опцијата за неовластена претплата, хакерите би можеле да украдат до 7 долари по претплатник неделно, бројка што се зголемува месечно и се шири меѓу корисниците, што на авторите на вирусот им носи сериозен профит.

Овие техники користат интеграција на телекомуникациските оператори со други услуги за плаќање на одредени ставки преку телефонска сметка. Во двата случаја, потребна е верификација на уредот, но не и на корисникот, така што плаќањата може да се автоматизираат без корисникот да мора да стори нешто.

Како работи Joker?

Joker припаѓа на групата тројанци, семејство на малициозен софтвер познат како Bread. Тие имаат за цел да пробијат сметки за телефони и да одобрат операции без знаење на корисникот. Покрај тоа, Joker користи податоци од СМС пораки, контакти и сѐ што може да искористи, со цел да се шири понатаму и да стигне до други податоци и жртви.

Она што е опасно за овој тип на малициозен софтвер е фактот дека тие можат да се претплатат на платени услуги, претежно Премиум или најскапата верзија, без ваша согласност. Првично, апликациите заразени со вирусот Joker користеа СМС пораки за измама, а подоцна и пософистицираните верзии се префрлија на плаќања преку интернет.

Под радар

Поради мали плаќања од време на време, обично се потребни еден месец или два додека некој не забележи одлив од сметката, но тогаш најчесто е веќе доцна. Банките не реагираат на плаќања од овој тип, бидејќи тоа се претплати на одредени услуги, а плаќањата не се премногу големи за да вклучат црвено светло во некој дел од банкарскиот систем.

Ако сте користеле некои од овие апликации од Google Play Store, препорачуваме да ги избришете и да ја проверите вашата банкарска сметка:

Auxiliary Message
Element Scanner
Fast Magic SMS
Free CamScanner
Go Messages
Super Message
Super SMS
Travel Wallpapers

Тие се потврдени, но што е со другите?

Ве молиме имајте предвид дека ова се апликации што се означени од Google Play Store, но постои голема шанса да има многу повеќе апликации кои се погодени, па затоа за секој случај проверете ги трансакциите на вашата банкарска сметка, особено оние што можат да бидат „прикачени“ на телефонската сметка.

Компанија Zscaler, која се бави со сајбер безбедност, ја објави својата листа со дополнителни 16 апликации кои исто така содржат злонамерен код од вирусот Joker: