Компанијата Vivo конечно пристигна на европскиот пазар.
Уредите ќе бидат достапни во Франција, Германија, Италија, Полска, Шпанија и Велика Британија, а првите уреди на европскиот пазар се предводени од моделот X51 5G.
Освен овој модел претставени се и Y70 и Y20s. тука е и новиот Vivo Y11s кој доаѓа со Qualcomm Snapdragon 460 процесор, батерија од 5.000 mAh и 6,51-инчен HD+ LCD екран.
Моделот Х51 5G е достапен со 8 GB RAM и 256 GB интерна меморија. Во Велика Британија е достапен по цена од 749 фунти односно околу 820 евра, а наскоро започнува и продажбата во останатите земји.
Х51 5G доаѓа со 6,56-инчен AMOLED екран со фреквенција на освежување од 90 Hz. Има Snapdragon 765G процесор и батерија од 4.315 mAh. Користи Android 10.
Главната камера има 48 MP со микро Gimbal стабилизација и ултраширока камера од 8 MP, телефото камера од 8 MP со 5х oптички зум и оптичка стабилизација на фотографијата. Селфи камерата има 13 MP.
