Германија регистрираше 962 смртни случаи од коронавирус во последните 24 часа, што е нов рекорд, соопшти рано утринава Институтот за заразни болести „Роберт Кох“ во Берлин, пренесе ДПА.
Претходниот рекорд беше постигнат минатата недела, кога Институтот информира за 952 инфекции.
Денеска се регистрирани и 24.740 нови случаи, пренесува германската агенција, повикувајќи се на РКИ.
Вкупниот број на лица кои досега починаа како последица на инфекцијата со коронавирус се зголеми на 27.968.
Зголемениот број на инфекции и смртни случаи предизвикува притисок врз здравствените системи во Германија, додава ДПА.