Времето денеска ќе биде облачно со врнежи од дожд, а во западните делови од раните утрински часови на планините и на повисоките места врнежите ќе бидат засилени од снег при што ќе се формира нова позначителна снежна покривка.
Во утринските часови ќе дува засилен ветер од југоисточен правец, а во текот на денот слаб до умерен ветер од северен правец.
УХМР издаде предупредување, под влијание на нов влажен бран денеска преку целиот ден ќе има пообилни дождови и на повеќе места ќе наврнат над 25 л/м2, а локално и над 40 л/м2.
Во западните делови од раните утрински часови на планините и на повисоките места врнежите ќе бидат од снег и ќе се формира нова позначителна снежна покривка. Во недела ќе има слаб локален дожд и снег, а од понеделник следува период на умерено до значително облачно и студено време, со умерен до засилен северен ветер.
