Xiaomi се подготвува да ја претстави серијата Redmi Note 13 Pro, за која компанијата сега откри уште повеќе детали.
Според официјалната страница на Redmi на платформата Weibo, серијата Redmi Note 13 Pro ќе има варијанта со 16 GB LPPDR5 RAM и 512 GB простор за складирање UFS 3.1.
Станува збор за спецификации, кои најчесто се резервирани за премиум телефони, а не за модели од средна класа.
Во соопштението не е прецизирано дали ќе се работи за телефон Note 13 Pro или Note 13 Pro+, но најверојатно се работи за варијанта „Plus“.
Страницата објави и тизер за брзо полнење од 120 W и батерија од 5000 mAh, што се очекува и кај моделот Plus, додека стандардниот Pro треба да има опција за полнење од 67 W.
Предниот дел на телефонот ќе биде главно рамен, со рамки тенки од 2,27 милиметри и панел со дупка за селфи камерата.
Останува да видиме колку ќе чини серијата Redmi Note 13 Pro и кога може да се очекува на пазарите ширум светот.
