Првата успешна приватна мисија, која вклучуваше слетување на Месечината, официјално заврши.
Месечевиот лендер на Intuitive Machines, наречен „Odysseus“ (Одисеј), слета на јужниот пол на Месечината на 22 февруари, со што стана првото комерцијално летало што го направило тој подвиг.
Odysseus“ работеше на површината на Месечината седум Земјини денови и замолкна кога сонцето зајде на неговата локација. Толку беше очекуваната должина на мисијата на лендерот на Месечината, но Intuitive Machines се надеваше дека лендерот ќе се „разбуди“ откако сончевата светлина повторно ќе ги „погали“ неговите сончеви панели.
На крајот на краиштата, јапонскиот месечев лендер „SLIM“ се разбуди од лунарниот сон кон крајот на минатиот месец, но за жал тоа не е случај со „Odysseus“.
Компанијата Intuitive Machines официјално потврди дека лендерот „заспал засекогаш“.
