Земјотрес со магнитуда од 3,3 степени според Рихтеровата скала во 9:31 часот е регистриран во Бугарија, на 11 километри од Благоевград.
Телеметриската сеизмолошка мрежа на Република Северна Македонија, на станиците инсталирани на нашата територија, одржувани од Сеизмолошката опсерваторија при Природно-математичкиот факултет во Скопје, утрово, на 04.09.2023 година, во 9:31 часот, регистрира земјотрес со локална Рихтерова магнитуда ML3.3, чиј епицентар се наоѓа 140 км источно од Скопје во соседна Бугарија.
Според досегашните податоци со кои располага опсерваторијата, земјотресот е почувствуван од населението во Делчево, Тработивиште и околината со интензитет од III степени според Европската макросеизмичка скала.
