Руската докторка Јулија Дороњина вели дека златото помага да се смени штетната оксидација што се јавува од секојдневната изложеност на токсини и загадувачи. Неверојатно е за што сѐ е добра златната вода.
Покрај тоа што е антибактериски и антиинфламаторно, златото ги избелува и старечките дамки и дамките од сонце. Златната вода ја забавува потрошувачката на колаген и еластин, го стимулира растот на клетките, дозволувајќи им на молекулите на кислород да се транспортираат директно до кожата, што ја ревитализира и ѝ дава младешки изглед.
„Исто така, ја стимулира циркулацијата, го зајакнува мускулниот тонус, а погодна е за сите типови кожа. Ако се миете со златна вода, мрсната кожа го губи вишокот сјај и станува мазна, додека сувата кожа ќе биде мека и хидрирана. Исплакувањето на косата со оваа вода ја зајакнува косата и го ревитализира скалпот“, вели д-р Дороњина.
Ова е рецепт за подготовка и користење на златна вода од нејзината книга „Шунгит – камень спаситель“.
Подготовка: Земете златник, дукат или парче накит изработено исклучиво од жолто злато, без украсни камења, тешко околу 3 грама. Добро измијте го под млаз вода и ставете го во неоштетено емајлирано тенџере.
Златото прелијте го со две чаши филтрирана вода и оставете да се вари на ниска температура додека количината на вода не се намали за половина. Извадете го златото, а водата користете ја за миење, масажа или како облог против болки во мускулите, како и за стимулирање на лимфната дренажа.