Apple работи на мистериозни начини.
Помина помалку од една недела од дебито на новиот iPhone 12, а уште стигнуваат информации за некои нови опции на овој смартфон.
Apple не ја спомна оваа опција за време на презентацијата на моделот iPhone 12, иако може да биде многу корисна.
Телефоните iPhone 12 ја имаат новата опција „обратно безжично полнење“ - Reverse wireless charging. Оваа функција првично ја направи Huawei за серијата Mate 20. Имено, телефонот може да се користи како безжичен полнач за други уреди, вклучувајќи смартфони и безжични слушалки кои поддржуваат ваков тип на полнење.
Потоа Samsung ја донесе оваа технологија на нивните уреди, а потоа Google ја копираше со својот телефон Pixel 5, а еве сега и Apple. Со оглед на тоа дека AirPods се многу популарни слушалки, дури и за корисниците кои немаат iPhone телефони, овој потег најпрво го поздравија нивните корисници.
Сепак, Apple се огради така што официјално не потврди дека уредите, како и тие слушалки, заедно со шпекулираните нови слушалки AirTags, можат да се полнат преку телефоните iPhone 12.
„Покрај тоа што може да се полни преку десктоп WPT полнач, iPhone 2020 ја поддржува WPT функцијата за полнење од 360 kHz на друга опрема. Во моментов, единствениот додаток што може да се полни преку iPhone е потенцијален Apple додаток во иднина“, се наведува во документацијата на компанијата Apple.
WPT значи wireless power transfer/transmission system. Иако Apple не откри јасно што ќе може да се полни преку телефонот iPhone 12, сè укажува на тоа дека само еден уред ќе може да ја користи оваа опција. Низ историјата, ниту еден додаток за овие телефони не бил поважен од слушалките на AirPods.
Треба да се напомене дека Apple работи на нови слушалки AirPods кои ќе носат ознаки AirPods 3 и AirPods Pro 2, а се очекува да бидат објавени следната година. Сè уште нема гаранција дека овие слушалки ќе добијат и полнење MagSafe. Иако постои опција, телефоните iPhone засега не можат да полнат други телефони.
