Прелиминарниот извештај на СЗО за потеклото на новиот коронавирус ќе препорача поопширна истрага за контактите на првиот познат пациент со COVID-19 во Вухан, Кина.
Исто така, се очекува подетално да се испита синџирот на снабдување на десетина трговци на пазарот со морски плодови во Хуанан, за кои се верува дека играле улога во ширењето на вирусот на крајот на 2019 година.
Како што рекоа истражувачите за CNN, кинеските научници требало да започнат истрага за потеклото на вирусот многу порано.
„Едноставно е неверојатно дека го немаат веќе направено тоа“, велат истражителите на СЗО.
Тие бараат подетално да се испита историјата на контакти на пациентот од Вухан кој се разболе на 8 декември 2019 година, кој е прв случај за кој кинеските научници и панелот на СЗО велат дека заболел од COVID-19.
Идентитетот на пациентот не е објавен, но, според истражителите на СЗО, станува збор за канцелариски работник на околу 40-тина години, кој не патувал на егзотични дестинации или имал историја на контакти и живеел со сопругата и детето.
Во прелиминарниот извештај што ќе биде презентиран следната недела, СЗО ќе препорача итна истрага за синџирот на снабдување на пазарот на морски плодови во Хуанан.
Шефот на мисијата на СЗО, Питер Бен Ембарек, не сакаше да коментира понатаму за наодите, но изјави дека е потребно дополнително испитување.
Други научници изразија изненадување, па дури и неверување дека Кина, очигледно, досега не извршила понатамошни истражувања, како за историјата на контакти на првиот пациент, така и во синџирот на снабдување во Хуанан, што го побара СЗО.
