Иако зголемената жед во повеќето случаи кај луѓето е резултат на недоволно внесување течности, зголемена физичка активност, консумирање солена храна или потење, понекогаш тоа може да укаже на некои други здравствени проблеми кои не треба да ги игнорираме.
Како што предупредуваат лекарите, понекогаш нашето тело на овој начин се обидува да ни укаже дека страдаме од одредени состојби кои доколку навреме не се препознаат може да доведат до бројни несакани последици.
Дел од тие состојби се:
дијабетес
анемија
намален крвен притисок
дехидратација
нарушувања на тироидната жлезда.
Покрај овие состојби, лекарите објаснуваат и дека зголемената жед може да биде резултат на земање одредени лекови. Најчесто, станува збор за лекови како што се антипсихотици, антидепресиви, антиконвулзиви или антихолинергици бидејќи тие можат да предизвикаат сува уста и со тоа дополнително да ја стимулираат жедта.