Обновливата енергија тешко дека ќе може целосно да ги замени природните извори на енергија, како што се јаглен, нафта и гас.
Ова е мислењето проф. Виктор Мартинов, ректор на Рускиот универзитет за нафта и гас „И.М. Губкин“.
Според професорот, причините за незаменливоста на гасот и нафтата се кријат во неколку основни карактеристики на ресурсот, како и во фактот дека малку луѓе размислувале за штетата што се нанесува на природната средина со изградбата на ветерници и соларни панели.
„Ветерот и сончевата енергија не можат целосно да ја заменат традиционалната, пред сè, затоа што не постои можност за складирање на таа енергија. Нема такви батерии, па дури и да ги има, тоа е многу скапо и еколошки многу валкано“, објаснува Мартинов.
За стопроцентна транзиција кон „зелена“ енергија, светските сили веднаш ќе мора да издвојат 50 проценти од нивната територија за генератори, што, физички, е далеку од она што секоја земја може да си го дозволи, пренесува „Спутник“.
„Гасот е најчистиот извор на енергија во овој случај. Според сите предвидувања, и компаниите и светските енергетски агенции, улогата на гасот во светот ќе се зголеми", изјави Мартинов за руската телевизија „Звезда“.
Во јануари 2021 година, европските земји започнаа масовно да ги празнатскладиштата за гас, испумпувајќи рекордни 55 милијарди кубни метри гас и на крајот оставајќи доволно гас во нив за две недели. После тоа, светските цени на бензинот нагло пораснаа.