За да имаат подобро здравје и имунитет, многумина веднаш помислуваат на суплементи.
Лекарите и научниците посочуваат дека треба да бидеме внимателни, бидејќи некои суплементи можат да бидат штетни за нашето здравје и да остават последици.
Три суплементи можат да го оштетат нашиот мозок ако се земаат без лекарски рецепт. Некои од суплементите кои ги користиме во исхраната може да бидат лоши за нашето здравје. Доколку се консумираат во големи дози, може да предизвикаат трајно оштетување на мозокот.
Листата на опасни додатоци во исхраната вклучува железо, бакар и манган.
Кога треба да се земаат овие 3 суплементи?
Додатоци на железо треба да се земаат само ако резултатите од тестовите на крвта го потврдат недостатокот.
Бакарот е минерал кој најчесто се наоѓа во мултивитамините. Зголемената концентрација на бакар во телото може да биде штетна. Високото ниво на бакар ги зголемува слободните радикали, кои можат да предизвикаат стрес во телото, како и оштетување на мозокот. Со цел да се создаде рамнотежа, важно е да се зема цинк како додаток или преку храна богата со овој минерал, бидејќи се спротивставува на слободните радикали на бакар и помага во заштитата на мозокот.
Железото е есенцијален минерал кој во високи концентрации може да доведе до губење на меморијата и може да го забрза процесот на стареење.
Иако железото е важно за транспортот на кислородот во нашето тело, нормалното функционирање на мускулите и енергетските процеси во клетките, во покачени концентрации е исклучително токсично.
Манганот е важен за нашиот организам, но во количини што ги препишал лекарот. Во зголемени концентрации, може да доведе до сериозни невролошки проблеми. Високото ниво на манган може да доведе до симптоми слични на Паркинсоновата болест и може да предизвика тремор на телото. Според упатствата на Националниот институт за здравје, горната граница за манган е 11 милиграми дневно за здрави возрасни лица.
