Климатските промени на неколку начини влијаат на нивните живеалишта и репродукција.
Температурните промени и другите ефекти од климатските промени стануваат сѐ поочигледни, а последиците веќе ги гледаме насекаде низ светот. Некои острови повеќе не постојат поради подигнувањето на нивото на морето, природни катастрофи се случуваат сѐ повеќе и секоја година сѐ повеќе животински видови изумираат поради влијанието на климатските промени врз екосистемите и живеалиштата во кои живеат.
Зголемено е и загадувањето на водата, воздухот и цврстиот отпад, што влијае на храната што ја јадат и на нивните живеалиштата. Некои животни треба да ја променат исхраната за да ги преживеат последиците од климатските промени. Ако одредени животински видови не можат да мигрираат во области со поповолна клима, многу е поголема веројатноста да исчезнат.
Најбрзото копнено животно во светот, гепардот, се соочува со брзо истребување поради климатските промени. Во моментов е наведен како загрозен вид на Црвената листа на загрозени видови на Меѓународната унија за зачувување на природата (IUCN). Во некои области, популацијата на пленот на гепардите исто така се намалува. Како резултат на тоа, гепардите мораат да ја променат исхраната, односно да ловат други животни кои живеат во истата средина.
Зголемувањето на температурата дури влијае и на способноста на оваа голема мачка да се размножува. Некои студии покажаа дека нивото на тестостерон е намалено кај голем број машки гепарди. Во некои случаи, забележано е дека бројот на сперматозоиди од гепард е речиси десет пати помал од просечната домашна мачка, а научниците веруваат дека овие откритија се последица на повисоките температури предизвикани од глобалното затоплување.
Овој љубител на дрвјата, тежок 70-120 килограми и заштитен знак на Светскиот фонд за природата (WWF) се храни исклучиво со бамбус. Сепак, климатските промени ја намалуваат количината на бамбус што расте во природните живеалишта на овие животни во Кина. Покрај тоа што е нивната главна исхрана, бамбусот им обезбедува и засолниште.
Со други зборови, ефектите од климатските промени имаат многу големо влијание врз благосостојбата на пандите.
Зелените желки, како и многу животински видови, се чувствителни на температурните промени предизвикани од глобалното затоплување. Со оглед на тоа што полот на бебето желка зависи од температурата на песокот на кој е поставено јајцето, климатските промени влијаат и на развојот на овие желки. Потоплите области даваат женски желки. Така, со климатските промени кои предизвикуваат пораст на температурата, се изведуваат повеќе женки отколку мажјаци. Ова може да влијае на растот на популацијата на зелените желки во иднина, бидејќи тоа значи помалку партнери за парење на женките.
Овие цицачи со големи уши се исклучително чувствителни на порастот на температурите. Тоа е затоа што за да преживеат треба да пијат многу свежа вода, а уште повеќе кога времето е потопло.
Така, климатските промени и глобалното затоплување им отежнуваат на слоновите секојдневно да ја добијат потребната количина вода.
Потоплите услови, исто така, им олеснуваат на инвазивните растенија да напредуваат и да ги надраснат редовните извори на храна за слонови - како што се лисјата од бамбус и бананите.
Климатските промени и глобалното затоплување го намалуваат количеството на арктичкиот морски мраз. Овој мраз е важен бидејќи е област каде што живеат поларните мечки и каде ловат фоки.
Така, како што количината на мраз станува помала, тоа значи дека поларните мечки имаат помал пристап до храна, а нивните живеалишта стануваат сѐ помали.
Овие птици живеат на континентот Антарктик и се хранат со суштества слични на ракчиња кои живеат под ледените ппокривки.
Климатските промени предизвикуваат топење на мразот во оваа област.
И како што мразот се топи, популација на нивната храна се намалува и пингвините мора да мигрираат од нивното природно живеалиште за да најдат алтернативни извори на храна.
Тоа им отежнува да се смират и да се парат за време на сезоната на парење - затоа што понекогаш едноставно им недостига храна.
