Bild објави дека Кингсли Коман од Баерн (24) ќе биде казнет затоа што дошол на тренинг со погрешен автомобил.
Имено, Audi е спонзор на германскиот шампион и поседува 8,33% од акциите на клубот, па според правилата, играчите мора да доаѓаат на тренинзи и натпревари во автомобили од овој бренд.
Баерн годишно добива 50 милиони евра од Audi и затоа е казниво ако играчите го прекршат договорот.
Коман дошол на тренинг со скап Mercedes наместо подареното Audi, па германскиот таблоид пишува дека Баерн ќе го казни со 50.000 евра. Ова не е прв ваков случај за францускиот офанзивен играч. Тој лани на тренинг дојде со McLaren, па беше казнет и тогаш.
Подоцна залудно се обиде да се оправда.
„Би сакал да им се извинам на клубот и на Audi што не дојдов на тренинг со мојот службен автомобил. Причината е оштетениот ретровизор на моето Audi. Тоа беше грешка. За да надоместам, ќе одам во фабриката на Audi во Инголштад и еден час ќе им делам автограми на вработените“.
