Масимилијано Алегри денеска се состана со директорите на Јувентус за да го претстави својот план за летниот преоден рок, објавија сите релевантни италијански медиуми.
Италијанскиот стручњак пристигна утрово во просториите на Јувентус, а La Gazzetta dello Sport тврди дека на состанокот објаснил точно каков кадар сака следната сезона.
Леонардо Бонучи и Џорџо Кјелини ќе потпишат едногодишно продолжување на договорот за следната сезона, што ќе биде последно во нивните кариери, а Војчех Шчесни останува голман.
Јувентус нема да тргне по Џанлуиџи Донарумо, кој летово ќе го напушти Милан бесплатно. Алегри сака да го врати Миралем Пјаниќ, кој минатото лето отиде во Барселона во замена за Артур Мело.
Италијанецот исто така се надева дека Пауло Дибала ќе потпише нов договор и ќе остане во Торино, и тој го убеди клубот да ја продолжи позајмицата на Алваро Мората. Секако, најинтересното прашање е Кристијано Роналдо, но тој наводно сам ќе ги информира луѓето во клубот за тоа дали ќе остане во Торино или не.
