Тренерот на Реал Мадрид, Карло Анчелоти, е прогласен за главен виновник за историскиот дебакл на „Кралскиот клуб“ во синоќешното Ел Класико.
Барселона го декласира Реал со 4:0 на „Сантјаго Бернабеу“, во 29. коло од шпанската Ла Лига.
„Бевме непрепознатливи, сè тргна во погрешна насока. Им кажав на играчите дека тоа е моја вина. Игравме многу лошо и нашиот пристап беше многу лош. Згрешив при подготовката за натпреварот. Тоа може да ми се случи еднаш, двапати, инаку не сум виновен“, им рече Анчелоти на новинарите по катастрофалниот натпревар на клубот од Мадрид.
„Модриќ го започна натпреварот како напаѓач, лажна деветка, бидејќи токму таму високо на половината на Барса сакавме да имаме подлабока топка. За жал, не успеавме. Нашиот план беше да ја контролираме топката повеќе од противникот и да ги притиснеме високо, но по првиот гол на Барса се покажа дека нашиот план не е исполнет и нашите ривали ни направија штета“.
Анчелоти објасни зошто Реал не успеа да се врати во вториот дел.
„Игравме одбрана еден на еден, но ова не беше наша вечер. Сè уште се обидував да притискам високо, но не успеа. Тоа е моја вина“.
„Барселона одигра подобро и заслужено победи, но овој пораз нема да нè потопи. Мораме да гледаме напред и да најдеме рамнотежа. Не заборавајте дека на девет кола пред крајот на првенството водиме со 9 бода. Добро е што сега е пауза. Овој пораз нема да влијае на расположението“, заврши Анчелоти.
Реал следно гостува кај Селта во Виго, а потоа на 6 и 12 април во четвртфиналето од Лигата на шампионите ќе се соочи со бранителот на титулата - Челси.