Компанијата Apple ги претстави своите нови и долгоочекувани производи: Аpple Watch 6, евтиниот Apple Watch SE, новиот iPad и редизајнираниот iPad Air.
Apple го претстави Apple Watch со нов дизајн и бои. Новиот паметен часовник го мери нивото на кислород во крвта за 15 секунди.
Нивото на кислород во крвта е особено важен податок за луѓето коишто страдаат од белодробни или кардиоваскуларни заболувања, што е особено изразено во време на пандемијата со коронавирус.
Новиот Apple Watch нуди нови опции за целото семејство бидејќи на родителите им овозможува подобра контрола над децата во смисла на рестрикција на содржините, контактите и слични опции. Цената на овој паметен часовник изнесува 399 долари.
Apple го претстави и Apple Watch SE - паметен часовник со пристапна цена кој има послаби перформански за разлика од Apple Watch 6, а цената изнесува 279 долари.
Apple го претстави и новиот iPad од осмата генерација базиран на A12 бионички процесор и дисплеј од 10,2 инчи. Цената на новиот iPad почнува од 329 долари.
Новиот iPad Air има потполно нов тенок дизајн достапен во 5 бои, екран од 10,9 инчи и A14 бионички процесор. Новиот iPad Air е најбрзиот таблет со најдобри спецификации што е произведен досега. Цената почнува од 599 долари.
