Apple работи на највозбудливиот iPhone досега, пишува Wall Street Journal повикувајќи се на инсајдерски информации. Според нив, во план е голема промена на дизајнот на телефонот за 2017 година, кој ќе биде претставен на 10 годишнината од првиот модел.
Промените можат да вклучуваат OLED екран кој ќе се простира од крај до крај, како и елиминирање на копчето home и негово заменување со сензор осетлив на допир.
Ова не е првпат новиот iPhone да се поврзува со екран без рамки.
Wall Street Journal пишува дека актуелниот модел не доживеа големи промени во дизајнот, што е во духот со 2-годишниот циклус на компанијата бидејќи е потребно време да се имплементира новата технологија.
Уште една од работите што се спомнуваат се враќањето на стакленото куќиште, кое доби потврда од неколку сериозни извори.
