Израелски археолози објавија дека пронашле талог од опиум во грнчарија стара 3.500 години, што ја докажува теоријата дека оваа халуциногена дрога се користела при древни погребни ритуали.
За време на ископувањата во централниот израелски град Јехуд откриена била серија гробови од периодот на доцното бронзено време, поради што била отпочната научна истрага на локацијата и пронајдени предмети.
Меѓу пронајдоците е и грнчарија во која биле билки опиум, што ги поттикнало научниците да истражат дали грнчаријата била користена за чување на дрога.
Претходно откриените списи сугерираат дека опиум се користел при погребни ритуали во Ханан.
Во синоќешното соопштение се открива дека бил откриен талог од опиум пронајден во 8 стомни. „Овие предмети веројатно биле поставувани за време на церемонијално јадење, изведување обреди и ритуали на живите за умрените членови на своите семејства“, вели археологот Рон Бери.
Според неговото објаснување, при ваквите церемонии членовите на семејството би се „обиделе да ги повикаат духовите на нивните покојни роднини и да преминат во екстатична состојба преку користење на опиум“.
Сепак, Бери признава дека и понатаму има многу непознати за тие дамнешни времиња и дека може само да се шпекулира што древните луѓе правеле со опиумот.
