Наместо да се зборува за проблемите со кои се соочуваат граѓаните, денешната седница за советнички прашања во Советот на Град Скопје се одвива со навреди и надмудрувања меѓу градоначалничката Данела Арсовска и претседателот на Советот Трајко Славески.
Откако Славески соопшти дека никој не може да зборува од говорница, туку од место или од микрофонот до него, бидејќи сè уште не му е вратено копчето за вклучување/исклучување на микрофонот, од говорницата беше тргнат микрофонот.
Арсовска си стави подвижен микрофон, а пред да ѝ даде збор Славески, тој уште еднаш ја предупреди дека не може да зборува од говорницата и да дојде напред, наместо да седи во магарешка клупа на крајот од салата.
Арсовска со поставен подвижен микрофон отиде на говорницата и му рече на Славески дека е Хитлер и крадец, пренесе СДК.мк.
„Господине Хитлер, не ви доликува ова што го правите. Вие го кршите деловникот и сте крадец. Немате никаков интегритет”, рече Арсовска.
По ова, Славески даде пауза, а потоа ѝ го одзеде правото на збор на Арсовска, бидејќи го кршела деловникот, вршела опструкции и се однесувала недолично.
Во Советот на Град Скопје е поставен нов систем со кој претседателот на Советот веќе нема копче со кое може да интервенира, односно да ги исклучува советниците кои не се придржуваат до точките на дневниот ред и говорат на теми надвор од нив.
Погледнете како изгледаше денешната седница на Советот на Град Скопје: