Градот Скопје има потенцијал да прерасне во зелен рај, со реализација на мега парковите, нови зелени површини и садници, реконструкции и одржување на постоечкото зеленило и заштита на Водно, зелениот штит на градот. Заштитата и зачувување на животната средина значително ќе придонесе за повисок квалитет на живот во нашето Скопје, напиша градоначалничката на својот Facebook профил.
Таа се пофали дена годинава било реализирано двојно повеќе од претходно, кога станува збор за заштитата и зачувувањето на животната средина.
„Оваа година реализиравме двојно повеќе од претходно:
- 38.539 м² нови зелени површини;
- 76.769 м² реконструкција на постоечко зеленило;
- 724.480 листопадни, зимзелени дрвја и садници и нов сезонски насад;
- на 10 паркови локации поставени нови елементи од дрво, видиковци и реквизити изработени од природни материјали, паркови за миленици, реквизити за деца;
- имплементирани активности во согласност со Посебниот план за заштита и уредување на Парк шума Водно;
- за првпат по цела деценија темелно чистење и партерно уредување на 126.000 м² на кејот на Вардар;
- ја отпочнавме изградбата на првиот Мега парк Даме Груев во Општина Ѓорче Петров“.
„Продолжуваме посветено за поубав град за сите нас“, заврши таа.
