Британскиот ММА борец Том Аспинал го нокаутира Сергеј Павловиќ и стана привремен УФЦ шампион во тешка категорија.
На синоќешниот настан УФЦ 295 требаше да се случи најголемата борба во историјата на УФЦ тешката категорија меѓу Џон Џонс и Стипе Миочиќ, но откако беше откажана поради повреда на легендарниот Американец, Аспинал и Павловиќ добија можност за привремениот појас.
Очекувано од судирот на два врвни нокаути, борбата веднаш заврши по само една минута, а Британецот на спектакуларен начин го нокаутира Русинот и се закити со привремен шампион.
На овој начин Аспинал ја забележа 14-та победа од 17 ММА борби, додека за Павловиќ ова беше само втор пораз од 20 борби.
На овој настан видовме уште една борба за титулата која Алекс Переира ја реши во своја полза. Бразилецот го нокаутира Јиржи Прочаска и го освои шампионскиот појас во полутешка категорија.
