Поради временската разлика веќе се одиграа мечевите од вториот ден, во првото коло во Дејвис купот, во Мелбурн и Токио.
По вториот ден Австралија и Франција веќе изборија пласман во наредната рунда, откако поведоа со 3:0 против Чешка, односно против Јапонија.
Третиот поен на Австралија против Чешка ѝ го донесоа Сем Грот и Џон Пирс кои со 6:3, 6:2, 6:2 ја совладаа чешката комбинација Јан Сатрал и Јиржи Весели.
Франција во Токио води со 3:0 против Јапонија, откако Пјер-Хју Херберт и Николас Мау со 6:3, 6:4, 6:4 ја совладаа јапонската двојка Јучи Сугита и Јасатака Учијама.
На другите мечеви САД водат со 2:0 против Швајцарија, за која не играат Роџер Федерер и Стан Вавринка. Јек Сок славеше со 3:0 против Марко Кудинели, а Џон Иснер со 3:1 го победи Хари Лаксонен.
Со 2:0 води и Србија против Русија. Виктор Троицки во пет сета славеше против Керен Качанов, додека Медведев му го предаде мечот на Новак Ѓоковиќ при водство на српскиот тенисер од 2:1 во сетови.
На дуелите меѓу Хрватска и Шпанија, односно Канада и Велика Британија резултатот по првиот ден е 1:1.
