Новак Ѓоковиќ е елиминиран во осминафиналето на тенискиот АТП турнир од Мастерс серијата во Монте Карло. Подобар од него беше Даниел Еванс кој го победи со резултат од 6 : 4, 7 : 5 по два часа и девет минути игра.
Првиот сет Еванс го доби иако ја испушти предноста од два брејка. Во вториот сет британскиот тенисер успеа да го надополни заостанувањето од 0-3 за првата победа над Ѓоковиќ, кој славеше во Монте Карло во 2013 и во 2015 година.
Британецот, кој пред Монте Карло играше само четири меча на земјена подлога, ја прекина низата од десет победи на Ѓоковиќ на почетокот од годинава.
Во четвртфиналето ќе игра со Давид Гофан, кој го елиминира Александер Зверев.
