Британскиот принц Хари не е единствениот кој објавува книга со информации за членовите на британското кралско семејство. Британскиот истражувачки новинар, биограф и писател Том Бовер вели дека неговата книга за Меган Маркл содржи „неверојатни информации“, пишува Daily Mail.
Том вели дека завршил со пишувањето на книгата и истата може да биде објавена оваа есен.
„Дознав работи за неа кои се навистина неверојатни. Мислам дека перцепцијата на јавноста за неа или ќе се потврди или ќе се влоши, но во секој случај ќе биде големо изненадување“, изјави тој.
Новинарот вели дека му било тешко да дојде до информации за Меган, бидејќи луѓето не биле баш одушевени да зборуваат, а Маркл и нејзините адвокати правеле сè за да го саботираат пишувањето на книгата.
„Тоа е навистина одлична, фасцинантна приказна за жена која буквално од никаде станува светска фигура, а која згазила се на патот, што е одлика на многу политичари и тајкуни“, додава Бовер кој веќе има напишано биографии на Ричард Бренсон, Џереми Корбин, Роберт Максвел, Мухамед ал-Фајед и други.
Кралскиот експерт Нил Шон вели дека Меган е загрижена поради објавувањето на оваа книга.
„Според информации од многу добри извори, Меган е загрижена дека оваа книга може да наштети на нејзиниот имиџ. Загрижена е околу тоа со кого разговарал Бовер и се прашува, како што истакнува нејзиниот тим, колку тие тврдења за неа се точни. Во секој случај, многу повеќе луѓе веруваат дека ќе ја дознаат вистината од неговата книга отколку од мемоарите на принц Хари“, вели Шон.