Чави, поранешниот играч за врска и капитен на Барселона, го презеде тимот од Камп Ноу по отказот на Роналд Куман.
„Можам да ветам дека ќе се откажам од мојот живот за да го направам овој проект успешен. Целта е да ѝ помогнам на Барселона повторно да плови мирно, навивачите да уживаат и тимот да победи. Благодарен сум на навивачите за нивната наклонетост и се надевам дека ќе ја оправдам со титули, Подготвен сум, сакам предизвици и затоа дојдов“, изјави Чави на презентацијата.
Mundo Deportivo пишува дека Чави ги направил првите чекори како нов тренер и дека во првите часови целосно го сменил лекарскиот тим и кондицискиот тренер. Тој воведе и пет нови правила со порака до играчите на презентацијата: „Ако ги почитуваме правилата, се ќе биде во ред“.
Првото правило е дека на играчите им е забрането да патуваат во текот на сезоната поради приватни обврски, а ова правило најмногу важи за помошникот капитен Жерар Пике. Второто правило е дека тренинзите ќе бидат подолги и дека фудбалерите ќе мора да поминуваат повеќе време заедно во тренинг центарот, наместо таму да поминат само час и половина на тренинг. Идејата е да се продолжи работниот ден за фудбалерите, да се воведе групен појадок и да се следи како се хранат. Тоа е рецепт што Пеп Гвардиола го користеше во Барселона кога Каталонците беа најсилниот тим на светот.
На играчите ќе им се забрани и приватни тренинзи, четвртото правило е да нема дискусија за стилот на игра, а последното правило се однесува на социјалните мрежи каде фудбалерите ќе мора повнимателни што пишуваат и објавуваат.
