Најпознатиот процесор на текст во светот - Microsoft Word, кој американската компанија го претстави на 25 октомври 1983 година, викендов одбележа 4 децении постоење.
Microsoft Word е прилично моќен софтвер за обработка на текст, кој го користат милиони луѓе ширум светот веќе четири децении. Американскиот технолошки гигант го претстави својот најпознат процесор на текст на 25 октомври 1983 година, па викендов ја прослави својата 40-годишнина.
Доколку сте редовен корисник на Word, тогаш секако ви е важно да го користите што е можно поефикасно, а еден од начините да ја зголемите продуктивноста на работа е да користите кратенки на тастатурата.
Затоа ви ги претставуваме 10-те најкорисни кратенки на Microsoft Word кои многу ќе ви помогнат во работата.
Ова се убедливо најкористените кратенки на тастатурата во Word: Ctrl + C се користи за копирање текст или објект, Ctrl + X се користи за сечење (cut) на избраниот текст и Ctrl + V се користи за копирање (paste) текст, слика или графика зачувана во clipboard.
Ctrl + Z е кратенка на тастатурата за командата Undo, која го поништува последното дејство во документот (пишување, бришење, форматирање итн.). Ctrl + I е командата Redo, која ви овозможува повторно да го направите последното дејство што претходно сте го поништиле.
Ctrl + A е кратенка на тастатурата што го избира целиот текст во документот. Покрај Word, се користи и во други програми за обработка на текст за брзо обележување на вашиот текст во документот.
Притискање на копчињата Ctrl + S истовремено се користи за зачувување на документ во Word.
Ctrl + F отвора поле за пребарување во текстот, со кое можете полесно да најдете одреден збор или фраза во текстот, особено ако се работи за долг документ. Во полето се наоѓа и опцијата „Replace“, со која еден збор или неколку зборови во текстот може полесно да се заменат со друг.
Овие три кратенки се користат за форматирање на текст. Комбинацијата Ctrl + B се користи за да се направи текстот задебелен (bold), Ctrl + I го менува избраниот текст во курзив (italics), додека комбинацијата на копчиња Ctrl + U се користи за подвлекување на избраниот текст (underline).
Овие три кратенки се користат за форматирање на текст во Word. Комбинацијата Ctrl + L го порамнува текстот налево, Ctrl + E го центрира текстот во средината на документот, додека Ctrl + R го порамнува избраниот текст надесно.
Кратенката Ctrl + K го отвора полето за вметнување хиперврска во избраниот дел од текстот („hyperlink“).
Комбинацијата на копчиња Ctrl + P отвора прозорец за печатење на документот. Во него, можете да ги промените поставките и да прегледате како документот ќе изгледа во финалната верзија пред да го испечатите.
Овие кратенки се користат во Word за приспособување на различните стилови на насловот, поднасловот и блокот за заглавие (Header 1, Header 2 и Header 3) во документот.
Овие кратенки на тастатурата се меѓу најчесто користените во Word, брзо се учат и многу се практични. Лесни се за употреба и можат да ви заштедат многу време додека работите во Microsoft Word.
