Познатиот американски коментатор, комичар и актер Џо Роган неодамна откри дека се плаши дека некој се обидува да го отруе откако тестовите на крвта открија ниско ниво на арсен.
Тој за време на неодамнешната епизода од неговиот подкаст The Joe Rogan Experience рече дека во еден момент се посомневал дека бил отруен откако неговите лекари пронашле траги од арсен во неговата крв.
„Може да внесете арсен преку сардини. Тоа го дознав на потешкиот начин“, рече Роган.
Иако се случувало нешто сомнително, причината не е труење. Роган рече дека неговиот лекар идентификувал ниско ниво на арсен во крвта и на крајот утврдил дека тоа се должи на јадењето сардини.
Роган објасни дека мистеријата била брзо решена откако им кажал на лекарите за неговата навика да јаде три конзерви сардини секоја вечер: тоа е природен арсен кој се наоѓа во сардини и друга храна, вклучително и печурки.
Откако ја исфрлил рибата од исхраната, тој се вратил на тест на крвта три месеци подоцна и арсенот исчезнал од неговиот систем.
„Познато е дека сардините содржат арсен. Поради ова, како и фактот дека сардините можат да бидат загадени со жива, не треба да се јадат повеќе од три до четири пати неделно“, објасни нутриционистката Аби Лангер, додавајќи дека иако не би препорачала да се јаде сардини секој ден, по три конзерви, сепак препорачува да се јаде бидејќи се здрави, истакна таа.
Присуството на траги на арсен во крвта не мора да значи труење со арсен. Според Агенцијата за токсични супстанции и регистар на болести, проценетиот просечен внес на арсен во исхраната за возрасните во САД е 40 микрограми дневно, а месото, рибата и живината сочинуваат 80 отсто од тој внес. Со други зборови, конзерва од сардини нема да доведе до акутно труење.
Конечно, не треба да дозволите Роган да ве одврати од уживањето во сардини бидејќи тие се богати со протеини и омега-3 масни киселини.
„Конзервираната риба е богата со протеини. Тоа е хранлива, евтина и достапна опција“, рече Аби Лангер.
